ஒரு அன்பான வேண்டுகோள் ! யார் பொறுப்பாளிகள் ? நம்முடைய சில முஸ்லிம் சகோதரிகள் காதலில் சிக்கி சீரழிந்துக் கொண்டிருக்கிறார்கள் . இவர்களைப் பற்றி விழிப்புணர்வு என்ற பெயரில் சிலர் நல்லது என்று எண்ணி செய்கிறார்கள் . சமீபத்தில் ஒரு சகோதரி கேரளாவை சேர்ந்த அந்த பெண் ஒரு மாற்றுமத பையனுடன் காதலில் விழுந்து , இறுதியாக அந்த சகோதரி கொலை செய்யப்பட்டாள். இந்த செய்தியை எல்லோரும் அறிந்தது . அந்த பெண்ணின் புகைப் படத்தை facebook மற்றும் what 's up மூலமாக போட்டார்கள் . என்ன நோக்கத்தில் சிலர் அந்த பெண்ணின் புகைப் படத்தை போட்டார்கள் என்றால் மற்ற பெண்கள் கவனமாக இருப்பார்கள் என்ற நோக்கத்தில் தான். ஆனால், இந்த அணுகுமுறை சரியா அல்லது தவறா ? என்று அவர்கள் அறியவில்லை , சிந்தித்தும் பார்க்கவில்லை . இப்படி செய்வது சரியான அணுகுமுறை இல்லை . இப்படி இரு சம்பவம் நம் வீட்டில் நடந்தால் நாம் என்ன செய்வோம் ? எப்படி நடந்துக் கொள்வோம் ? இப்படி அசிங்கப்படுத்துவமா ?
பாதிக்கப்பட்டவர்கள்தான் இந்த வலியை உணர முடியும் . அந்த பெண்ணின் பெற்றோர்கள் இதைப் பார்த்தார்கள் என்றால் இன்னும் அவர்களுக்கு மன வேதனை தான் தரும். பிள்ளைகளின் விடயத்தில் பெற்றோர்கள் தான் பொறுப்பாளிகள் ! அவர்கள் தான் விழிப்புடன் இருக்க வேண்டும் . கண்காணிக்க வேண்டும் . பிள்ளைகளின் விஷயத்தில் கவலைப்பட வேண்டும் . விழிப்புணர்வு என்ற பெயரில் இன்னும் நடக்கும் சில அவலங்களை சொல்லித்தான் ஆக வேண்டும் . facebook மற்றும் what 's up மூலமாக சில சகோதரர்கள் தவறான முறையில் சில விடயத்தில் நடந்துக் கொள்கிறார்கள். இந்த பெண் இந்த மாற்றுமத பையனுடன் காதல் செய்கிறாள் . இந்த செய்தியை மற்ற சகோதரர்களுக்கு ஷேர் செய்யுங்கள் என்று இப்படி பல பேர்கள் செய்து வருகிறார்கள் . இது சரியான அணுகுமுறை அல்ல . நம் வீட்டு பெண்கள் செய்தால் நாம் இப்படிதான் செய்வோமா ? அதை எப்படி அணுக வேண்டும் என்று நாம் சிந்திப்போம் . இப்படி புகைப் படத்தைப் போட்டு அசிங்கப்படுத்த மாட்டோம் . அன்பு சகோதரர்களே ! அல்லாஹ்வை அஞ்சிக் கொள்ளுங்கள் ! விவேகம் தான் முக்கியம் வேகம் அல்ல . இதற்கு முழு பொறுப்பு பெற்றோர்கள்தான் !
அவர்கள் தான் விழிப்புணர்வுடன் இருக்க வேண்டும். ஒரு முஸ்லிமின் அதிகாரத்தில் உள்ள குடும்ப உறுப்பினர்களிடம் அல்லாஹ் இன்னும் அவனது தூதரின் கட்டளைகளில் அலட்சியம் மற்றும் குறைபாடுகள் ஏற்பட்டால் , அதற்கு அந்த முஸ்லிம் பொருப்பாளியாகி இறைவனால் விசாரிக்கப்படுவார் .
நபி [ஸல்] அவர்கள் கூறினார்கள் .. '' நீங்கள் அனைவரும் பொருப்பாளர்களே ! நீங்கள் அனைவரும் உங்களின் பொறுப்பின் கீழ் உள்ளவர்களைப் பற்றி விசாரிக்கப்படுவீர்கள் . [புகாரீ ]
தனது பொறுப்பை உணர்ந்திருக்கும் முஸ்லிம் தனது குடும்ப உறுப்பினர்கள் அல்லாஹ்வின் கட்டளைகளில் வரம்பு மீறுவதைச் சகித்துக்கொள்ள மாட்டார். அவரால் இது விஷயத்தில் பொறுமை காக்கவே முடியாது. அது எத்தகு விளைவுகளை ஏற்படுத்தினாலும் சரியே . அந்த தவறை அகற்றுவதில் தீவிரமாக இருப்பார். கடமையில் அலட்சியம் செய்யமாட்டார். தனது ஈமானில் பலவீனம் கொண்ட, ஆண்மையற்ற கோழை மட்டுமே தனது அதிகாரத்தில் உள்ளவர்களின் வரம்பு மீறலை சகித்துக்கொள்ள முடியும்.
சிந்திக்க வேண்டும் அன்பு சகோதரர்களே !
அல்லாஹ் மிக்க அறிந்தவன் .
சத்திய பாதை இஸ்லாம்
No comments:
Post a Comment