''நான் மிஃராஜ் சென்றிருந்தபோது நரகத்தில் சிலரைக் கண்டேன் ,, அவர்கள் தம் உடலை செம்பால் ஆனா நகங்களால் கீறிக்கொண்டிருந்தார்கள். நான் ஜிப்ரயீல் [அலை] அவர்களிடம் , இவர்கள் யார் ? என வினவினேன் . ''இவர்கள் தாம் மனிதர்களின் இறைச்சியை தின்பதற்கொப்பான புறம் பேசித் திரிந்தவர்கள் '' என விடையளித்தார்கள் என்பதாக அண்ணல் நபி [ஸல்] அவர்கள் கூறினார்கள் .
மனிதர்களைப் பற்றிப் புறம் பேசுகின்றவனுக்கு ஓர் உவமை யாதெனில் , ஒருவன் தன்னுடைய நன்மைகளை எல்லாம் ஒரு கவணில் வைத்து, அவற்றைக் கிழக்கிலும் , மேற்கிலும் எறிபவனுக்கு ஒப்பாகும்.
மறுமை நாளில் அம்மனிதன் பட்டோலையை அவன் கையில் கொடுக்கப்பட்டதும் , அவன் தனை காண்பான் . உடனே வியப்புற்றவனாக , என்னுடைய தொழுகைகளும் , நான் ஆற்றிய நற்செயல்களும் எங்கே ? என வினவுவான்.
''நீ மற்றவர்களைப் புறம் பேசியதன் காரணமாக அவையனைத்தும் உன்னால் புறம் பேசப்பட்டவர்களுக்கு [அவர்களின் பட்டோலைக்கு]ப் போய்விட்டன '' என்று வானவர்கள் கூறுவர்.
மேலும், மற்றொரு மனிதன் , '' நான் செய்யாத நற்செயல்கள் பல என் பட்டோலையில் இருக்கின்றனவே . இவ்வளவு நன்மைகள் என் பட்டோலையில் எவ்வாறு பதிவாயின !. என்று வியப்புடன் வினவுவான் . அதற்கு வானவர்கள், ''நீ அறியாதவாறு உன்னைப் பற்றிப் பிறர் புறம் பேசினார்கள் . அதன் காரணமாக அவர்களின் நன்மைகளை எடுத்து உன் பட்டோலையில் எழுதப்பட்டு விட்டன என்று விடையளிப்பார்கள்.
ஒரு தீயவனின் தீங்கை விட்டும் மக்களைக் காத்திடும் நோக்கத்தில் அவனின் தீங்குகளைக் குறித்துப் பேசுவது ஆகும் .
ஒருவனின் தீய செயல் குறித்து அவனின் பெற்றோரிடம் எடுத்துக் கூறி , அவனைத்திருத்தும் நோக்கத்தில் , '' உங்கள் மகன் தீய செயலில் ஈடுபட்டுள்ளான் ,, எனவே , அவனைத் திருத்துங்கள் '' என்பதாக எடுத்துரைக்கலாம் ,, அது கூடும் .
பெரும் பாவங்களை பகிரங்கமாகத் துணிந்து செய்யும் ஒருவனைப் பற்றி பிறரிடம் எடுத்துரைப்பது கூடும்.
என்ன அன்பு சகோதர /சகோதரிகளே ! நீங்கள் விளங்கிகொண்டீர்களா ? . மற்றவர்களைப் பற்றி புறம் பேசுவதற்கு முன் உங்கள் நன்மைகளை எண்ணிப் பாருங்கள் ! நீங்கள் சிரமப்பட்டு செய்த நற்செயல்கள் அவைகளை எண்ணி பாருங்கள் . நன்மைதானே போனால் போகட்டும் என்று அலட்சியமாக இருக்காதீர்கள் ! மேலே கூறப்பட்ட ஹதீஸை கூர்ந்துக் கவனியுங்கள் ! அல்லாஹ் நம் அனைவரையும் இந்த புறம் பேசுவதின் தீங்கை விட்டு காப்பாற்றுவானாக !!!...
*****************************************
சத்திய பாதை இஸ்லாம் .
No comments:
Post a Comment