*பெற்றோரின் பிரியத்தில் தான் அல்லாஹ்வின் பிரியமும் இருக்கிறது. பெற்றோரின் கோபத்தில்தான் அல்லாஹ்வின் கோபமும் இருக்கிறது.
*உங்களுடைய தந்தைக்கு நீங்கள் நன்றி செலுத்துங்கள். உங்கள் மகன் உங்களுக்கு நன்றி செலுத்துவான். பெற்றோரை வேதனை செய்பவன், எத்தனை வணக்க வழிபாடுகளில் ஈடுபட்டாலும் இறைவன் மன்னிக்க மாட்டான்.
*பெற்றோர் அநியாயம் செய்தாலும் , அவர்களிடம் பிள்ளைகள் அன்பை செலுத்துவது கட்டாய கடமையாகும்.
*பெற்றோரை மனம் நோகச் செய்து, அவர்கள் அழுது கண்ணீர் வடிக்கச் செய்வது பெரும் பாவமாகும்.
*எவன் அல்லாஹ்வின் அடியார்களுக்கு நன்றி செலுத்த வில்லையோ, அவன் அல்லாஹ்வுக்கு நன்றி செலுத்த மாட்டான்.
*உங்களின் பாவங்களே நோயாகும். அவைகளுக்குரிய மருந்து பாவமன்னிப்பாகும்.
* மது அருந்துபவர்கள் நோயாளி ஆகிவிட்டால், அவர்களின் நலம் விசாரிக்க செல்லாதீர்கள்.
*வசதி இல்லாதவன் உங்களிடம் ஏதேனும் கேட்டால், கொஞ்சமேனும் கொடுத்து அனுப்புங்கள் அல்லது இனிய வார்த்தைகளால் பதில் சொல்லுங்கள்.
* இறைவன் ஒரு மனிதனை அழித்து விட நாடுவானால், அவனிடமிருந்து வெட்கத்தை பறித்து விடுவான்.
*நண்பர்களை ஓரளவு விரும்புங்கள். ஒரு நாள் அவர்கள் விரோதியாகக் கூடும். விரோதிகளை அதிகமாக வெறுக்காதீர்கள். ஒருநாள் அவர்கள் தோழர்களாகக் கூடும்.
* உங்களுக்குள் அன்பளிப்புகளை பரிமாறிக் கொள்ளுங்கள்.அன்பளிப்பு கொடுப்பது மனதிலுள்ள பொறாமைகளை அழித்து விடுகின்றது.
*அல்லாஹ் மிகவும் கிருபையாளனாக இருக்கிறான். பிரார்த்தனை செய்யும் அடியார்களின் வேண்டுதலை, கைகளை, வெறுங்கையாக விடுவதற்கு வெட்கப்படுகிறான்.
*மறைவாக இருப்பவருக்கு, மறைவாயிருக்கும் ஒருவர் வேண்டுகின்ற துஆ பிரார்த்தனை போன்று விரைவாக இறைவனால் ஒப்புக் கொள்ளக் கூடிய வேறு எந்த துஆ பிரார்த்தனையும் கிடையாது.
* எவரிடம் மூன்று விசேஷங்கள் உள்ளனவோ அவர் மீது இறைவன் கருணைக் கொள்கிறான். அவை..1] ஏழைகள் மீது இரக்கம் கொள்வது 2]பெற்றோர் மீது பாசம் வைப்பது 3] பணியாளர்களுக்கு உதவி செய்வது.
*பிரார்த்தனையானது முஃமினுக்கு [நம்பிக்கையாளர்] ஆயுதமாகவும், மார்க்கத்திற்கு தூணாகவும் இருக்கும். வானங்கள் பூமி அனைத்திற்கும் பேரொளியாக இருக்கும்.
* பிரார்த்தனையைத் தவிர , வேறு எந்த செயலாலும் விதியை மாற்றிக் கொள்ள முடியாது. நற்செயல்களைத் தவிர எந்த செயலாலும் ஆயுளை நீடிக்கச் செய்ய முடியாது. [திரு நபி ஸல் அவர்களுக்கு ஏதேனும் ஒரு பிரச்சனை, சிக்கல், பயம் உண்டாகும் செயல் நேர்ந்து விட்டால் உடனே தொழுகையின் பக்கம் விரைந்து செல்வார்கள்.]
*எவர் ஒருவர், துன்பத்திற்கு ஆளானவரை நெருங்கி [ஆறுதல்] மனமிரங்கி கூறினால், துன்பத்திற்கு ஆளான அவருடைய நன்மைக்குச் சமமான நன்மை அவருக்கு கிடைக்கும்.
* உங்களில் ஒருவர் அவசரப்படாதிருக்கும் வரை அவருடைய துஆவை நிறைவு செய்யப்படும்.
*உள்ளத்தாலும், கண்களாலும் துன்பத்தை வெளிப்படுத்துவது இறைவனிடம் உள்ளதாகும். கையாளும், நாவினாலும் துன்பத்தைக் காட்டுவது ஷைத்தானின் செயலாகும்.
* என் உம்மத்தார்களில் [பின்பற்றுபவர்கள்] ஒருவரிடம் ஒரு பொற்காசு கேளுங்கள் கொடுக்க மாட்டார். ஒரு வெள்ளிக்காசு கேளுங்கள் கொடுக்க மாட்டார். ஒரு செம்புக் காசைக் கேளுங்கள் அதையும் கொடுப்பதற்குக் கூட மனம் சம்மதிக்காது. ஆனால் அல்லாஹ்விடத்தில் சொர்க்கத்தைக் கேட்டால் அதைக் கொடுப்பதற்கு தயாராக இருக்கிறான்.
நன்றி.. அல்ஹாஜ் S .R . ஹமீதுல்லாஹ்-
நன்றி.. நர்கிஸ்
No comments:
Post a Comment